SamCoding | Masala G

Musobaqa Masalalar Urinishlar Natijalar Ishtirokchilar

A 10 B 10 C 10 D 10 E 100 F 100 G 100 H 100 I 100

Muallif: Обид Синдаров

Vaqt: 1000 ms Xotira: 64 mb

Sardoba jumboqlari

Alisher va uning do'sti Bahodir qadimiy sardobaga tushishdi va u yerdan g'aroyib koshinlar (plitkalar) topib olishdi. Har bir koshin $2 \times 2$ o'lchamdagi ramkaga solingan bo'lib, unda $A$, $B$ va $C$ harflari o'yilgan $3$ ta toshcha bor. Ramkaning bitta katagi har doim bo'sh turadi.

Bir marta yurishda bo'sh katakka qo'shni (tepa, past, chap yoki o'ng) bo'lgan toshchani o'sha bo'sh joyga surish mumkin. Toshchalarni ramkadan chiqarish yoki ramkani aylantirish taqiqlanadi.

Alisher va Bahodir o'zlaridagi koshinlarni surish orqali bir xil ko'rinishga keltira olishsa, ular "Qadrdon do'stlar" deb topiladi. Sizga ularning qo'lidagi koshinlarning dastlabki holati beriladi. Ular bir xil holatga kela olishadimi yoki yo'qligini aniqlang.

Kiruvchi ma'lumotlar

Dastlabki ikki satrda Alisherning koshini holati ($2$ ta satr, har birida $2$ tadan belgi) beriladi.

Keyingi ikki satrda Bahodirning koshini holati beriladi.

Bo'sh katak $X$ harfi bilan belgilangan. Har bir koshinda $A$, $B$, $C$ va $X$ belgilari aniq bir martadan qatnashadi.

Chiquvchi ma'lumotlar

Agar koshinlarni surish orqali bir xil holatga keltirish mumkin bo'lsa $YES$, aks holda $NO$ so'zini chiqaring.

Misollar

#	Input TXT	Output TXT
1	AB XC XB AC	YES
2	AB XC AC BX	NO

Izoh

Dastlabki namunaviy testda Alisher va Bahodirning koshinlaridagi harflarning soat tili bo'yicha tartibi bir xil, ya'ni ikkala holatda ham $A$ $\rightarrow$ $B$ $\rightarrow$ $C$ ketma-ketligi mavjud. Bo'sh katak $(X)$ qayerda bo'lishidan qat'i nazar, toshchalarni surish orqali ularni bir xil ko'rinishga keltirish mumkin. Shu sababli yakuniy natija — $YES$.

Yechim yuborish uchun tizimga kiring yoki ro'yxatdan o'ting.